Arroaz de plástico elaborado con material reciclado situado na praia de Pedra do Sal | 📷 Concello de Carballo

2 de xullo de 2021 - Se eres das e dos que prefire coñecer as praias e o medio natural antes que estar deitado na tumbona; ou se queres descansar da sombrilla e aprender máis sobre a contorna natural, este verán tes unha cita coas actividades do programa Eu ❤️ Razo-Baldaio, que chega á súa terceira edición despois de dous anos cunha excelente acollida. O obxectivo desta iniciativa é crear hábitos de turismo consciente no litoral de Carballo. Rutas, obradoiros sobre flora e fauna, saídas nocturnas e ornitolóxicas, coñecer o patrimonio da costa carballesa ou mesmo colaborar coa limpeza da nosa costa son algunhas das actividades nas que podes participar este verán. Así que, se durante os meses de xullo e agosto estás por Carballo ou arredores e queres coñecernos dun xeito diferente, anímate a participar! Todas as citas son de balde! (*aínda que con inscrición previa polos límites de aforo).

Todas as citas son de balde e se desenvolverán os mércores e sábados de xullo e agosto

Ademais, nesta edición de 2021 realizaranse algunhas accións para sensibilizar á poboación da importancia que ten a redución do uso do plástico. Serán sen previo aviso e consistirán en detectar os microplásticos existentes nos areais do mundo e que pasan desapercibidos. Nesta mesma liña, a ao igual que en anos anteriores se teñen realizado esculturas de material reciclado para afondar na concienciación, este ano crearase unha escultura en madeira reciclada de árbores enfermas dos xardíns municipais, deseñada polo artesán carballés Fabián Lage, para poñer en valor un escarabello que está en vías de extinción nos nosos areais.

CALENDARIO COMPLETO DE ACTIVIDADES

A maioría das accións programadas requirirán de preinscrición, xa que van a ser grupos moi reducidos debido á sensibilidade da contorna e o uso sustentable que queremos promover na mesma. A grande maioría das accións realizaranse todos os mércores e sábados, ademais de algún domingo puntual. As persoas participantes deberán achegarse polos seus propios medios ao punto onde se desenvolvan as actividades.

* Podedes acceder aos formularios de inscrición e a info detallada sobre cada cita clicando no título de cada unha delas

XULLO

• Sábado 3 e domingo 4: Descubre as pegadas e os indicios nos camiños
• Mércores 7: Ruta polo patrimonio da costa carballesa
• Sábado 10: Inauguración dunha escultura en Baldaio - Saída a coñecer a flora e fauna das contornas dunares 
• Mércores 14: Baldaio está invadido, axudádenos a recuperalo
• Sábado 17: Limpeza colectiva das praias de Razo e Baldaio
• Mércores 21: Ruta para coñecer Razo e Baldaio
• Sábado 24: As pedras de cando América estaba en Carballo
• Mércores 28: A noite das avelaiñas
• Sábado 31: Axuda á resistencia!!! Elimina as invasoras de carballo

AGOSTO

• Mércores 4: Fauna e flora das contornas dunares
• Sábado 7: Limpeza colectiva das praias de Razo e Baldaio
• Sábado 7: Roteiro nocturno pola eira das meigas
• Sábado 14: Ruta polo patrimonio da costa carballesa
• Mércores 18: Saída ornitolóxica
• Sábado 21: Obradoiro de biodiversidade
• Mércores 25: Explorando as pozas da marea
• Sábado 28: Saída ornitolóxica  

O programa Eu ❤️ Razo-Baldaio volve a contar con entidades ambientais que desde hai anos veñen desempeñando unha imprescindible acción de compromiso coa sustentabilidade da nosa costa dando a coñecer o noso litoral, así como as mellores formas de protexelo son Adega, Hábitat e Senda Nova. Tamén colaboran co programa Aspaber, Ecovidrio, Sulo, Acciona e Construcciones López Cao.

MEDIDAS DE PREVENCIÓN E SEGURIDADE

Todos os cidadáns deberán adoptar as medidas necesarias para evitar a xeración de riscos de propagación da enfermidade COVID-19, así como a propia exposición aos ditos riscos. Este deber de cautela e protección será igualmente exixible aos titulares de calquera actividade. Así mesmo, deberán respectarse as medidas de seguridade e hixiene establecidas polas autoridades sanitarias para a prevención do COVID-19.

Rogamos aos participantes de cada actividade que respecten as normas de seguridade e prevención, tales como distanciamento interpersoal durante o desenvolvemento da actividade ou, na súa falta, para a utilización de medidas alternativas de protección física con uso de máscara.

Debido as restricións de aforo, as prazas serán limitadas.

Ligazóns