Sorteos, agasallos, espectáculos de rúa, sorpresas... Comprar en Carballo, unha vez máis, ten premio! O sábado 27 de outubro o noso comercio vai de festa! 37 establecementos da capital municipal celebran unha xornada de portas abertas na que abrirán toda a mañá, pero tamén pola tarde para facilitar as compras de veciñanza e visitantes e para agasallar á súa clientela cun día de compras diferente. A xornada xa amencerá coas rúas centrais e peonís decoradas para a ocasión, e ao longo do día o horario nas tendas será de 10.00 a 14.00 e de 17.00 a 20.30 horas.

Quen se animen a pasear polas nosas rúas veranse ademais arroupados pola compañía Pablo Méndez Performances, que será a encargada de sorprender a maiores e pequenos con orixinais actuacións e pequenas pezas teatrais de rúa. “Todas as actividades son agasallos para unha clientela á que queremos agradecer todo o seu apoio ao pequeno comercio nunha vila como a nosa, cun Centro Comercial Aberto con calidade e variedade contrastada”, subliña o presidente do CCA, Ricardo Pallas. Así, a iniciativa parte do Centro Comercial Aberto (CCA) de Carballo para seguir enchendo de dinamismo a nosa vila, coa colaboración do Concello de Carballo, a través da Oficina de Promoción Económica (OPE); a Deputación da Coruña e a Xunta. O obxectivo, que comprar o 27 de outubro sexa unha festa.

ESTABLECEMENTOS PARTICIPANTES

• Star Center
• Adamela
• Atmósfera Sport
• Todo Lar
• Calvelo Regalo
• Alexi
• Dress
• Joyería Calvelo Seoane
• Deportes San Remo
• Mundo Kids
• Atelier
• Poppy
• Perfumerías Garrote
• Zocas
• Esprit
• mmm! Xeados
• -15
• Mímate
• Zapatería Esther
• Akira
• D&A Complementos
• Multióptica
• Zapatillería Isabel
• O rincón de María
• Tejanos.com
• O armario de Pati
• Alonso Moda
• A Fragua de Mó
• DV Carballo
• Para ti Cosméticos
• Amai Store
• Miriñaque
• Bambalina
• Sueño de Hadas
• Bámbola
• Style
• Retoños

Ligazóns