Presentación da Semana das Oportunidades | 📷 Turismo Carballo

25 de febreiro de 2021 - Un total de 46 establecementos do Centro Comercial Aberto Carballo (CCA) participan na Semana das Oportunidades, unha feira na que poderedes atopar descontos de ata un 70% nunha variedade de produtos que inclúen moda, confección, calzado, xoiarías, deporte, perfumaría ou mobles, e tamén outras ofertas menos habituais neste tipo de citas en sectores como o da nutrición, docerías, salóns de peiteado, tendas de xoguetes ou de electrodomésticos, entre outros. As ofertas poderán atoparse visitando os comercios participantes durante unha semana entre o domingo 28 de febreiro –que coincide coa última feira do mes- e o sábado 6 de marzo.

O presidente do CCA, Ricardo Pallas, quixo lembrar que, en todo caso, as medidas de seguridade serán prioritarias, respectando as restricións actuais -un límite de aforo do 50%, ademais do emprego de máscara e o uso de xel desinfectante-, pero tamén subliñou a grande calidade e variedade das oportunidades que se poderán atopar estes días e que farán que mereza a pena visitar o comercio carballés.

Comprar no comercio local

O Concelleiro de Promoción Económica, Xosé Regueira, quixo agradecerlle ao sector o seu labor, xa que constitúen un tecido “vivo, dinámico, que non para de buscar alternativas”. Tamén quixo reivindicar a importancia do comercio de proximidade, porque a falta de mobilidade xerada pola pandemia “axudou a que volveramos a mirar cara ao local”, unha ollada que considera que debe manterse “porque temos de todo e bo” e que debe servir tamén para seguir traballando e conseguir que “a nosa primeira opción de compra sexa sempre o noso comercio”.

A presentación da Semana das Oportunidades contou así mesmo coa presenza do vicepresidente do CCA, Germán Riveiro Bértoa, coa súa xerente, María del Carmen Freire, e co alcalde de Carballo, Evencio Ferrero. Este último pechou o acto transmitíndolle os seus parabéns ao comercio da vila “porque en situacións difíciles somos capaces de crear o noso nicho e oportunidades comerciais e de negocio”. Por último, lembrou que o peche perimetral establecido como medida de prevención contra a COVID-19 quedará levantado a partir do venres 26 de febreiro, polo que espera “que todas esas xentes de Bergantiños se despracen a Carballo” durante a Semana das Oportunidades e desfruten dun comercio “seguro, de calidade e de proximidade” que fai que Carballo sexa “un lugar atractivo para estar e para visitar”.

LISTAXE DE ESTABLECEMENTOS PARTICIPANTES:

1. A fragua
2. Adamela
3. Akira
4. Akris
5. Aloe Herboristería
6. Amai Store
7. Arabela atelier de doces
8. Atelier
9. Atmósfera Sport
10. Bambalina
11. Benetton
12. Bio Salón Mesturas (salón de peiteado)
13. Calzados Susa
14. Cenor (Parque do San Martiño)
15. Charanga
16. Compro Oro Carballo
17. Confecciones San Juan
18. D&A Complementos
19. Dequip
20. DV Carballo
21. Ekate
22. Florida Centro Joya
23. Informática Valem
24. Jorge moda
25. Lencería Mª José
26. Mercería Pilar Mª
27. Meus Antoxos
28. Mímate
29. Miriñaque
30. Mister Nutrición
31. Moda Suárez
32. Muebles Fuentes
33. necos
34. O barco dos soños
35. O Cestiño
36. Óptica Enríquez
37. Perfumería Garrote
38. Poppy
39. Retoños
40. Sastrería Miguel
41. Style
42. Teirón
43. Xoguetería Merliño
44. Zapatería Esther
45. Zapatillería Isabel
46. Zocas