Carballo a un paso

Inicio // Artigos // Carballo inicia o período de rebaixas con grandes...

Compartir:

Carballo inicia o período de rebaixas con grandes descontos

A vila máis comercial da Costa da Morte aposta polo produto diferenciado, diverso e de calidade

Carballo sempre a mellor opción

Segundo premio do Concurso de Escaparates de Nadal

O remate do Nadal tamén ten as súas vantaxes. Unha delas é, como non, o inicio da tempada de rebaixas. Que che da preguiza soportar as colas, as aglomeracións  e o estrés dos grandes centros comerciais? En Carballo, atoparás a alternativa. A vila comercial máis importante da Costa da Morte  garante a atención dunha amplísima rede de pequeno comercio, conformada por tendas cheas de encanto con produto diferenciado, diverso e de calidade, tanto no trato como no produto.

Ir de compras por Carballo ten o atractivo de poder pasear tranquilamente polas súas rúas (varias das máis céntricas son peonís ou semiopeonís) a medida que se van mirando escaparates, se atopa algunha persoa coñecida ou se para a tomar un café ou unha tapa.

Os segundos, cuartos, e quintos (se hai) domingos de feira, unha oportunidade única para comprar en Carballo

Terceiro premio Concurso de Escaparates de Nadal

Mais, se hai un día especialmente recomendable para o shopping, ese é o domingo de feira (os segundos, cuartos e, de habelos, quintos domingos do mes). En Carballo atoparás unha vila coas portas das súas tendas abertas en plena mañá de domingo, cando os grandes centros comerciais e o pequeno comercio da maioría das vilas adoita estar pechados. Proba domingo a ir de rebaixas en día de feira, mentres aproveitas para comprar algún produto de primeira man, e sen intermediarios, aos labregos e labregas que venden na feira. O pequeno comercio carballés caracterízase pola súa vitalidade, que lle fai amosar unha capacidade de resistencia moito maior ao das tendas das grandes cidades. Os nosos comercios demostran enerxías renovadas para, cada vez máis, innovar, mimar a súa presenza e mesmo abrir novas tendas especializadas en nichos de mercado en auxe. O propio concello, a través de diversos cursos de marketing, empaquetado, novas tecnoloxías, mellora da imaxe comercial, ou mesmo a creación dunha marca de calidade local para o pequeno comercio, que neste 2018 entrará na súa segunda fase, aposta decididamente por iso.

Cuarto premio Concurso de Escaparates de Nadal

Aínda que agora, por lei, non existe período de rebaixas estipulado, as do inverno, en Carballo son unha excelente oportunidade para facerse a bo prezo con aquel produto que nos quedou pendente na tempada. Ademais, apostar polo comercio local é apostar por Carballo, mercar en proximidade é sempre a mellor das opcións posíbeis. Así que, non te despistes, en Carballo e agora é un bo momento para comprar. #carballomola


Feader Ministerio de agricultura, alimentaci?n y medio ambiente Xunta de Galicia Deputaci?n da Coru?a Galicia Agader Costa da Morte - Terra Atl?ntica