Museo de Bergantiños

S. XIX
Antiga cárcere do partido xudicial
R/ Martín Herrera, 8

Foi a antiga cárcere do Concello. Hoxe en día, rehabilitado polo prestixioso arquitecto Manuel Gallego Jorreto, o Museo permite achegarnos á cultura, á historia e aos costumes das terras bergantiñás.

O Museo conta no seu baixo con varias salas dedicadas á nosa comarca, e mais unha centrada na Costa da Morte. A través delas poderás coñecer máis sobre a nosa paisaxe, a nosa tradición agrícola, o pan, que é o noso produto estrela, ou sobre a historia de Carballo.

No patio central atoparás varios paneis sobre a liña de trolebuses Carballo-A Coruña, a primeira liña de estrada que se electrificou en España.