Carballo a un paso

Inicio // Que ver // Patrimonio // Patrimonio civil // Máis pazos e casas nobiliares

Compartir:

Máis pazos e casas nobiliares

Casa Grande en Cances

Casa Grande en Cances

No concello hai outros pazos e casas señoriais que hoxe en día son usadas como casas de labranza.

Están sen rehabilitar, son vivendas privadas e non teñen fins hostaleiros ou turísticos. Os escudos que aínda poden verse nas súas fachadas son a única pista que queda da grandeza do seu pasado nobre.

En Lema está a a casa dos Pardiñas, unha das familias nobres máis antigas da zona. Fíxate no escudo que poderás ver entre dúas das súas fiestras. É o mesmo que atoparás no Pazo de Vilar de Francos. E é que os Vilardefrancos teñen as súas raíces precisamente na familia Pardiñas.

A Casa Grande de Cances é unha antiga vivenda con capela propia. Da vivenda sobresaen un forno e unha chimenea de grandes dimensións.

A casa grande Casal de Perros, na parroquia de Rus, é representación da cultura medieval dos pazos. Na fachada principal hai un escudo labrado en pedra e de difícil interpretación, que está considerado Ben de Interese Cultural.

O pazo de Louride encóntrase no lugar de Casal, en Rus. No escudo que atoparás no lado esquerdo da fachada verás os símbolos dos Vilardefrancos, dos Pardiñas, dos Moscoso, dos Figueroa e dos Bermúdez de Castro.

A Casa Grande de Cances é unha antiga vivenda con capela propia. O recinto inclúe no seu interior un pombal cilíndrico e hórreo de cantería. Da vivenda sobresaen un forno e unha chimenea de grandes dimensións.


Feader Ministerio de agricultura, alimentaci?n y medio ambiente Xunta de Galicia Deputaci?n da Coru?a Galicia Agader Costa da Morte - Terra Atl?ntica