Carballo converterase na capital do fútbol español e galego a primeira fin de semana de xuño. Os máis renomeados expertos do deporte rei estarán no I Congreso de Fútbol Concello de Carballo, unha cita que persegue a formación e reciclaxe dos adestradores de toda Galicia. De feito, técnicos como Sergio Barjuan -ex adestrador dos xuvenís do FC Barcelona- ou José Francisco Molina -ex adestrador do Villareal-, ademais de nomes como Francisco Sánchez- analista táctico do Atlético de Madrid, entre outros moitos, achegarán á Costa da Morte coñecementos do primeiro nivel os días 3, 4 e 5 de xuño.

A cita está apadriñada polo Presidente do Deportivo da Coruña, Tino Fernández, que quixo arroupar a cita durante a súa presentación o pasado mes de maio; e tamén está previsto que durante o acto de inauguración, que se celebrará o venres 3 de xuño ás 19.00 horas no Pazo da Cultura de Carballo, estean presentes personalidades de todo o fútbol español, como Vicente Miera, ex seleccionador nacional e campión olímpico, como representante do Comité de Adestradores RFEF.

Programa completo de actividades

VENRES 3 DE XUÑO:

• 19.30 h. Amalia Revuelta. Psicóloga Deportiva especialista en fútbol. Competir con Cerebro. Intelixencia-Habilidade-Coñecemento.
• 20.45 h. Sergi Barjuan. Adestrador Nacional de Fútbol RFEF. Ex adestrador do FC Barcelona Xuvenil, Recreativo de Huelva, AD Almería. A metodoloxía do ataque en fútbol.

Ata doce relatorios terán lugar no Pazo da Cultura para abordar todo tipo de cuestións técnicas relacionadas co fútbol

SÁBADO 4 DE XUÑO:

• 10.00 h. Raúl Ruíz. Adestrador Nacional de Fútbol RFEF. 2º Adestrador do Dinamo Kiev (Ucrania). Desenvolvemento e cambios na planificación de traballo do Dinamo Kiev.
• 11.45 h. Víctor Paredes. Preparador Físico Rayo Vallecano. Proposta teórico-práctica de Preparación Física en campo como método preventivo de lesións.
• 13.00 h. José Francisco Molina. Adestrador de Fútbol RFEF. Ex adestrador KITCHEE SC (Hong Kong) Villarreal CF (España). Transición Ataque-Defensa. Presión tras pérdida, Reorganización.
• 16.30 h. Albert Roca. Ex Seleccionador Nacional de El Salvador. Fútbol Contextualizado. Experiencias na Selección Nacional de El Salvador.
• 17:45 h. Juanjo Vila. Adestrador UEFA PRO e Director de Fútbol Táctico. Factores determinantes da defensa en futbol. Orientación defensiva, Defensa de parede e Vixilancias defensivas ofensivas.
• 19:15 h. Manuel Sotelo. Adestrador Nacional de Fútbol RFEF. Adestrador de porteiros do Real Club Deportivo de A Coruña.
• 20:30 h. Paulo Jorge dos Santos Noga. Coordinador Executivo de Formación do FC Oporto. O adestramento en proceso de formación.

DOMINGO 5 DE XUÑO: 

• 10.00 h. Francisco Sánchez. Adestrador de Fútbol RFEF e Analista táctico no Atlético de Madrid. Análisis táctico en futbol. Que esconde o teu  rival?
• 11.45 h. Antonio Cortes Ines. Director Deportivo da Academia de Fútbol de Angola (AFA). Estratexias de adestramento táctico de futbol 7 con futbolistas africanos.
• 13.00 h. Carlos Inarejos. Adestrador Nacional Fútbol RFEF - Autor dos libros: O adestramento en especificidade e Periodización Táctica: da visión da realidade cara unha visión práctica. Cómo aplicar a Periodización Táctica na práctica?