Carballo a un paso

Inicio // Coñece Carballo // Por parroquias // Aldemunde

Compartir:

Aldemunde

Aldemunde

Dolmen Pedra da Moura

Extensión: 2,69 km² 
Poboación: 91 habitantes

Aldemunde é a parroquia máis pequena e menos habitada do concello. Está no límite co municipio de Cerceda, no camiño cara a Ordes, e é moi interesante a nivel arqueolóxico. Conserva importantes restos do megalítico e da época castrexa.

Na parte alta da parroquia está a Pedra da Moura. É un dos dolmens máis grandes de Galicia, datado na época de apoxeo da cultura megalítica. Hoxe en día só conserva cinco dos sete chantos que a constituían en orixe. Di a lenda que as pedras que conforman esta anta foron carrexadas por unha muller dende o petón de Calvelo, mentres fiaba na roca e aleitaba unha crianza.

Aldemunde

Ribeira da Pena

En Aldemunde de Abaixo atoparás un castro, protexido por un parapeto defensivo e por un foxo. As lendas fálannos de mouros e romanos, e da existencia dunha viga de ouro que ía dende o muíño da Regueira até o castro. E, xa que estamos por Aldemunde de Abaixo, podes achegarte tamén á fonte de Santa Marta, que disque é boa para o mal de oídos… 

Á beira do río Abeleira está o bosque de Ribeira da Pena. Bidueiros, ameneiros, carballos ou as propias abeleiras que lle dan nome ao río, conforman un dos bosques máis importantes da Costa da Morte.


Feader Ministerio de agricultura, alimentaci?n y medio ambiente Xunta de Galicia Deputaci?n da Coru?a Galicia Agader Costa da Morte - Terra Atl?ntica