VENRES

Presentación do FIOT no Culturgal. 18.00h. O Festival Internacional Outono de Teatro é, con 23 edicións ao lombo, unha referencia en Galicia. A presentación terá lugar no stand do Concello de Carballo no Culturgal.

Música. Ciclo Sinerxias. Sala Dublín. 23.00h. 3 €. A Sala Dublín prosegue o Ciclo Sinerxias con tres bandas bergantiñás. Do propio Carballo chega o punk de Aula 11; de Malpica, o death metal de Amenaza de Muerte e de Ponteceso, os clásicos do rock versionados por Spider Crabs.

Humor. Pedro Brandariz. Sala A Reserva. 23.00h. 4€. O cómico Pedro Brandariz recunca nos escenarios carballeses, e faino na Sala A Reserva. Presentará o seu monólogo "Profundizando na Galicia profunda", que forma parte da programación da Rede Galega de Música ao Vivo 2014.

SÁBADO

Presentación de "Contos de Taberna" no Culturgal. 12.00h. O libro Contos de taberna, editado polo Concello de Carballo, compila os relatos ilustrados que varios escritores e escritoras, así como ilustradores e ilustradoras locales, elaboraron sobre un total de 14 estabeleceentos hosteleiros da vila. No Espazo Libro do Culturgal (Pazo da Cultura de Pontevedra).

Presentación do documental e do proxecto "Derrubando muros con pintura" no Culturgal. 18.00h. Darase a coñecer o proxecto de arte urbana que, dende hai un ano, se desenvolve en Carballo, así como o documental sobre o mesmo elaborado por Mamá Lola Studios. No stand do Concello de Carballo no Culturgal (Pazo da Cultura de Pontevedra).

Música. Concerto de Dilana e mais Apart. Sala A Reserva. 23.00h. A Sala A Reserva traeranos a Dilana, unha voz que encandilou a artistas como Gilby Clarke, de Guns'n'Roses ou Jason Newsted (Metallica). A actuación virá precedida da banda carballesa Apart, que presentou en novembro o seu primeiro EP, "Waiting so long". Máis info aquí.

Sendeirismo. Fin do Camiño dos Faros. Chega ao seu fin esta edición do Camiño dos Faros. A ruta sendeirista, que une Malpica e Fisterra á beiriña do mar ao longo de oito etapas e 200 quilómetros, acadará este domingo e a pé a "fin do mundo" galega. O itinerario, de 26 quilómetros, decorrerá dende Nemiña até o Faro de Fisterra. Máis info aquí.

Presentación de "Carballo mirando ao mar". 12.00h. A vila de Carballo, malia a estar a apenas uns quilómetros do mar, viviu historicamente de costas a el. O proxecto pretende darlle a volta a esta situación. Será presentado no stand do Concello de Carballo no Culturgal (Pazo da Cultura de Pontevedra).

Presentación do Carballo Interplay. 18.00h. O ano pasado irrompeu como o primeiro festival estatal de webseries. Este ano amplía o seu campo de acción e convertirase en festival de contidos audiovisuais na rede. Presentarase no stand do Concello de Carballo no Culturgal (Pazo da Cultura de Pontevedra).

TODA A FINDE

Arte. Retrospectiva de Antonia Villaverde. Pazo da Cultura. De Balde. Aos seus  94 anos de idade, a artistas carballesa amosa no Pazo da Cultura un percorrido pola súa traxectoria creativa. Unha ollada á súa carreira artística a través do retrovisor que aúna retratos, bodegóns e mesmo un autorretrato. Todos os días da semana, de cinco a nove da tarde.