Carballo a un paso

Inicio // Artigos // Outono: tempo de cogomelos!

Compartir:

Outono: tempo de cogomelos!

Apúntate ao Carballo micolóxico: unha actividade de busca, clasificación e degustación de setas que tamén inclúe un obradoiro de cultivo en madeira

Carballo micolóxico

4 de outubro de 2022 - Outubro é o mes dos cogomelos. E este ano queremos contribuír dun xeito especial á divulgación do mundo da micoloxía. Apúntate ao Carballo micolóxico! Trátase dunha xornada completa dedicada a coñecer este mundo prevista para o sábado 15 de outubro. O día comeza ás 09.30, cando un autobús trasladará ás persoas inscritas á zona da recollida. As persoas que o prefiran poderán ir no seu vehículo particular, pero queremos fomentar o uso do transporte colectivo para que a nosa actividade teña unha incidencia menor no medio natural. O punto de encontro será o centro social Escola de Arrabaldes, no barrio da Milagrosa. Xa pola tarde, e despois dun par de horas para xantar por libre, de novo haberá que xuntarse ás 16.00 horas na Escola de Arrabaldes para a clasificación dos cogomelos recollidos e a posta en común da actividade. Ás 17.30 celebrarase unha actividade novidosa, que consistirá nun obradoiro de cultivo de setas en madeira. Ao remate, sobre as 19.00 horas, haberá unha pequena degustación gastronómica de cogomelos que porá o punto final á xornada e que preparará o restaurante Río Sil.

Nesta estrea de Carballo micolóxico a actividade conta con Jaime Bernardo Blanco Dios, enxeñeiro agrónomo e presidente da Asociación Micolóxica Brincabois de Pontevedra, que nos acompañará na saída a campo e na selección e clasificación das setas; e tamén con Jesús López Penabad, enxeñeiro técnico forestal e experto no cultivo de shiitake, que nos amosará o método tradicional xaponés, en madeira. Anímaste a participar? Pois xa podes inscribirte cubrindo este formulario. Hai 40 prazas, así que non te demores.

E lembra! Para a saída de campo recomendámosche levar gorra, roupa e calzado impermeables, auga, navalla e cesta de vimbio. E se vas utilizar o autobús, non esquezas a máscara. Se estás inscrito/a e finalmente non podes acudir, agradecémosche que avises o antes posible en info@carballolimpo.com para que outra persoa poida ir no teu lugar.

Outono de cogomelos en Carballo!


Feader Ministerio de agricultura, alimentaci?n y medio ambiente Xunta de Galicia Deputaci?n da Coru?a Galicia Agader Costa da Morte - Terra Atl?ntica