O festival Xiria Pop cumpre 25 anos!
Sete grupos da escena musical galega, española e internacional estarán no Casino de Carballo o venres 23 e o sábado 24 de setembro
Este ano o Xiria Pop celébrase no Casino 1889, que abrirá as súas portas tanto venres coma sábado ás 21.00 horas, e ademais haberá unha sesión vermú o sábado 24 no Logradouro a partir das 13.00 h. con Bloque, a división electrónica e punk dos Lamprea Explosiva con asistencia libre para todo o mundo ata completar aforo. No que respecta aos concertos nocturnos, polas limitacións de espazo, só se poñen á venda 120 bonos para os dous días a un prezo de 15 euros. Se estás interesado/a só tes que pinchar aquí xa que está á venda en Woutick. Pero o festival é especial tamén porque neste 25º aniversario utiliza como imaxe un debuxo de Alberto Gende “que está gustando moito”, apunta Xabier Graña. É a homenaxe particular do Xiria Pop ao gran artista carballés, do que se conmemora este ano o décimo aniversario do seu pasamento.
