Percorre Carballo e Bergantiños coa Primavera en ruta!
Un ano máis o programa de andainas da Asociación Senda Nova convídanos a coñecer mellor a natureza e o patrimonio da nosa contorna
Este ano as rutas serán entre o 24 de abril e o 12 de xuño cun total de 8 percorridos
As inscricións para participar poden realizarse na base de Protección Civil de Carballo (edificio do ambulatorio vello), na praza Médico Eduardo Mariño. De luns a venres, de 9.30 a 13.30 h. A data límite de inscripción é ata 2 días antes de cada ruta. Os prezos: non socios/as, 8-6 euros (maiores-menores de idade), e socios/as, 6-4 euros (maiores-menores de idade).
RUTA A RUTA
- O SON DO ANLLÓNS (Bergantiños) - 24 abril. O patrimonio ecolóxico dos nosos ríos dende o corazón de Bergantiños. Distancia aproximada 20 quilómetros. Dificultade media-baixa.
- CAMIÑOS DE ALDEMUNDE (Carballo) - 1 maio. Os segredos do bosque atlántico da Ribeira da Pena. Distancia aproximada 7 quilómetros. Dificultade moi baixa.
- CORISTANCO HISTÓRICO (Coristanco) - 8 maio. O latexo da historia dende as corredoiras,. Distancia aproximada 18 quilómetros. Dificultade media.
- RUTA DAS MÁMOAS (Cabana de Bergantiños) - 15 maio. A maxia dos petroglifos e megalitos. Distancia aproximada 14 quilómetros. Dificultade baixa.
- A FORZA DO RÍO CHONIA (Trazo) - 22 maio. Descubrindo muíños e batáns escondidos. Distancia aproximada 20 quilómetros. Dificultade media-baixa.
- COSTA AGRESTE DE CERQUEDA E CAMBRE (Malpica de Bergantiños) - 29 maio. Segredos xeolóxicos dende a caprichosa paisaxe malpicá. Distancia aproximada 14 quilómetros. Dificultade baixa.
- TERRAS ALTAS DE SONEIRA (Zas) - 5 xuño. Soneira dende os balcóns salvaxes de Pico de Meda. Distancia aproximada 16 quilómetros. Dificultade media-baixa.
- CAMIÑOS DE CAIÓN (A Laracha) - 12 xuño. Os máis amplos horizontes cara o mar dende os mellores altares. Distancia aproximada 14 quilómetros. Dificultade baixa.
ASÍ SE FAN AS RUTAS
Presentación da actividade | 📷 Senda Nova
- Xuntámonos para comer o bocata xuntos e pasar o día. O horario de remate da actividade dependerá das características da ruta e do volume de participación.
- Coñecemos mellor o noso entorno, porque paramos para aprender. Para ofrecer os nosos coñecementos e para escoitar aos que aportan.
- Dende a organización encárganse de recollerte no transporte nos lugares habilitados.
- Camiñamos en grupo.
- Os roteiros foron deseñados para pasar por lugares de interese cultural, natural e paisaxístico, para poñer en valor o noso patrimonio e para escapar do asfalto.
IMPORTANTE
- Debes ser puntual.
- Pon calzado e roupa axeitados.
- Leva unha mochila con impermeable, navalla, gorra e protección solar.
- Nalgunhas saídas, para un mellor desenvolvemento da actividade, cumprir obxectivo e coidado do entorno, as prazas poden ser limitadas.
- O punto de encontro para a saída dende Carballo será a rúa Venezuela.
